މޮހޮނަށް އޮޑި  

ދޮންމޮހޮނާ އޭނާގެ ބެއްޔާ (ބޭބެ) އާ ދެމީހުންކެޔޮޅުކަމުގޮސްލާނެ ދޯނިގަނޑެއް ހޯދަން ކާށިދޫ ކަތީބު ގާތަށް ދިޔައިމާ ދޯނިދިނީ މިހެންނެވެ. ކަތީބު ބުންޏެވެ.

" ހިތްވަރެއް ހުރިއްޔާ ކަލޭމެން ދެބެންނަށް އަހަރެން އޮޑިގަނޑެއް (ދޯނިގަނޑެއް) ވާ ދީފާނަމެވެ. ގެންދާން ކެރޭނެބާވައެވެ!

 ރައްޔިތުން ނުރުހޭ

 

ދިވެހިރާއްޖޭގެ ޖުމްހޫރިއްޔާގެ ޤާނުނުއަސާސީގެ 129 ވަނަމާއްދާގެ ( ރ ) ގައި ވަނީ " ވަޒީރުންގެ މަޖިލީހަށް ރައީސުލްޖުމްހޫރިއްޔާ ޢައްޔަންކުރާ މީހުންގެ ނަންތައް، އެމީހުން ޢައްޔަންކުރެވޭ ދުވަހުންފެށިގެން ހަތްދުވަހުގެ ތެރޭގައި، ރައްޔިތުންގެ މަޖިލީހުގެ ރުހުން ހޯދުމަށްޓަކައި އެ މަޖިލީހަށް ރައީސުލްޖުމްހޫރިއްޔާ ހުށަހަޅާންވާނެއެވެ. " މިފަދައިންނެވެ. މި ޢިބާރާތަށް ބަލާއިރު " ހޯދުމަށްޓައި " މިހެން އޮތުމުން ދޭހަވަނީ ކޮންމެހެންވެސް ލިބެންޖެހޭނެ ކަމެވެ. އަދި ލިބުމުން ފުރިހަމަވާ އެއްޗެއް، ނުލިބުމުން، ފުރިހަމައެއް ނުވާނެއެވެ. ދިވެހިބަހުގައި " ހޯދުން " މިބަހުގެ މާނައަކީ : 1_ އެއްޗެއް ނުވަތަ ކަމެއް ފެނޭތޯބެލުން. 2_ މަސައްކަތްކޮށްގެން ތަކެތި މިލްކުކުރުން. 3_ ޙާޞިލް ކުރުން. އެހެންވީމަ ޤާނޫނުގައި " ހޯދުން " ބޭނުންކޮށްފައި އެވަނީ މީގެ ތެރެއިން ފުރަތަމަ މާނައިގައިކަމަށް ބެލެވެއެވެ. ދެންއޮތީ ރުހުމެވެ. ދިވެހިބަހުގައި "ރުހުން" މިބަސް ބޭނުންކުރެވެނީ ދެ މާނައެއްގައެވެ. އެއީ : 1_ ޤަބޫލުވުން. 2_ ހިތްހަމަޖެހުން. ވީމަ ވަޒިރުުންނަށް ރުހުން ހޯދުމުގެ މާނައަކީ އެމީހުން ވަޒިރުކަމުގައި ތިބެން ދިވެހިރައްޔިތުންގެ މަންދޫބުން ޤަބޫލުތޯ ނުވަތަ ހިތްހަމަޖެހޭތޯ ބެލުމެވެ. ނޫނީ އެމީހުން ވަޒިރުކަމުގައި ބައިތިއްތަން ރައްޔިތުންގެ މަންދޫބުނަށް ފެނޭތޯބެލުމެވެ.

 2އަހަރު ؟

ދިވެހިރާއްޖޭގެ ރައީސްކަން ބޭނުންފުޅު ނޫންކަމަށް ވިދާޅުވިތާ މަދު ދުވަސް ކޮޅެއްގެ ތެރޭގައި އެމްޑީޕީގެ ރިޔާސީ ޕްރައިމަރީގައި ވާދަކުރައްވަން މިހާރުގެ ރައީސް ނަޝީދު ނިކުމެވަޑައިގެންނެވިއެވެ. އަދި އެމްޑީޕީގެ ޓިކެޓްގައި ވާދަކުރައްވައި 2008 ގެ ރިޔާސީ އިންތިޚާބުގައި %25 ވޯޓު ހޯއްދެވައިގެން ދެވަނަ ބުރަށް ވަޑއިގެންނެވުނެވެ. ދެވަނަބުރުގައި ވަޠަންއެދޭގޮތަށް އިއްތިހާދުގެ ނަމުގައި، އިދިކޮޅު ހުރިހާޕާޓީއެއް އެކުވެގެން ނިކުމެ ރައީސް މައުމޫނުގެ މައްޗަށް ކުރިހޯއްދަވައި ދިވެހިރާއްޖޭގެ ރައީސުލްޖުމްހޫރިއްޔާގެ ގޮނޑިކޮޅުގައި އަލްފާޟިލް މުޙައްމަދު ނަޝިދު ވެޑުވިއެވެ.

 ހައްދުފަހަނައެޅުން 

ދިވެހިރާއްޖޭގައި އިންސާނީ ޙައްޤުތައް ހިމާޔަތްކުރުމަށް އޮތް އެންމެބޮޑު ގޮންޖެހުމަކީ ދީނީގޮތުން ހައްދުފަހަނައަޅައި ދިއުންކަމުގައި އެމްޑީޕީ ސަރުކާރުގެ އިސްވެރިން ދަނީ ތަކުރާރުކޮށް ވިދާޅުވަމުންނެވެ. އެބޭފުޅުން އާއްމުގޮތެއްގައި މިހެންވިދާޅުވަނީ ރާއްޖެއިންބޭރުގައި ކުރައްވާ ތަޤްރީރުތަކުގައެވެ. ހުޅަގުގެ ޤައުމުތަކުން މުސްލިމުންގެ ބުރަކަށީގައިޖަހާ ލޭބަލް މިވެރިންވެސް އަމިއްލަޤައުމުގެ ރައްޔިތުންގެ ބުރަކަށީގައި ޖައްސަވައި ދެއްވަނީއެވެ. ހުޅަގުގެ މާލީއެހީއަކަށްޓަކައި އަމިއްލަ ޤައުމުގެ ރައްޔިތުން ޤުރުބާންކުރައްވަނީއެވެ. ސަރުކާރުގެ މިފަދަ ލޭބަލްތަކުގެ ސަބަބުން ބައެއްޤައުމުތަކަށް ދަތުރުކުރަން ދިވެހިންނަށްވަނީ ދަތިވެފައެވެ. މިގޮތުން ނައިބުރައީސް ޑރ. މުޙައްމަދު ވަހީދު ޙަސަން މަނިކާއި، ޚާރިޖީވަޒީރު ޑރ. އަޙްމަދު ޝަހީދު ވަނީ ދާދިފަހުން އދ.ގެ ދެބައްދަލުވުމެއްގައި މިމޭރުމުން ވާހަކަފުޅު ދައްކަވާފައެވެ. އިގިރޭސިވިލާތުގައި ހުންނަވާ ދިވެހި ސަފީރު ޑރ. ފަރަހަނާޒުވެސް ވަނީ ދާދިފަހުން ބީބީސީއަށް ދެއްވި ބަސްދީގަތުމެއްގައި ދިވެހިރާއްޖެއަށް ދިމާވެފައިވާ އެންމެބޮޑު މސްއަލައަކީ ހައްދުފަހަނައަޅައިދިއުން ކަމުގައި ވިދާލުވެފައެވެ.    

Eid Mubarak, Eid Mubarak
Our Eid has come
To bring us peace
To bring us love
To charish our life
It is the time
We Muslims came together
Shoulder to shoulder
It is the time
We Muslims share
Share our love
Share believe
Eid Mubarak, Eid Mubarak.

މަޤްޞަދާއިމެދު ؟

 

 

ދާދިފަހުން ވިލުރީފް ރިޒޯޓުގައި ހިނގާދިޔަ ހާދިސާއަކާއި ގުޅުވައިގެން، ފަތުރުވެރިންގެ ރަމްޒީ ކައިވެނީގެ ހަފުލާ ބޭއްވުމާއިބެހޭ ޤަވާޢިދުގެ ނަމުގައި މިނިސްޓްރީ އޮފް ޓޫރިޒަމް އާޓްސް އެންޑް ކަލްޗަރ އިންވަނީ ޤަވާޢިދެއްހަދައި އާއްމުކޮށްފައެވެ. ވިލުރީފްގައި ހިނގައިދިޔަ އެހާދިސާއަކީ މިޤަވާޢިދުމިގޮތަށް ނެރެންވެގެން ކުޅުނު ޑުރާމާއަކަށްވުމަކީ ވަރަށް އެކަށީގެންވާ ކަމެެކެވެ. އެހަފުލާގެ އެންމެއިސްމީހަކަށްހުރީ 6 އަހަރުގެ ޖަލުހުކުމެއް 2006 ވަނަ އަހަރު، ކޮށްފައިހުރި މީހެކެވެ. މިހާދިސާ ހިނގިފަހުން ސަރުކާރުން ހާމަކޮށްފައިވާ ގޮތުގައި އެމީހާއަކީ ޖަލަށްހުކުމްކޮށްފައި ހުއްޓާ ފިލައިގެންއުޅޭމީހެކެވެ. މިހާހިސާބުން އުފެދޭސުއާލަކީ ޖަލަށް ހުކުމްކޮށްފައިވާ މީހަކަށް ވަޒިފާލިބުނީ ކިހިނެއްބާވައެވެ. ވަޒީފާއަށްދާން ހޯދަންޖެހޭ ޕޮލިސްރިޕޯޓް އޭނަހޯދީ ކިހިނެއްބާވައެވެ. 6 އަހަރަށް ޖަލަށް ހުކުމްކޮށްފައި ހުރިމީހަކަށް މިނިވަންކަމާއިއެކު މިޤައުމުގައި އުޅެވުނީ ކީއްވެގެންބާވައެވެ.

މަތީ ސާނަވީ ތަޢުލީމުގައި އިސްލާމް މަޖްބޫރު މާއްދާއަކަށް އޮންނަންޖެހޭ ސަބަބު

) ނޯޓް: މިލިއުމަކީ http://www.hussainrasheedahmed.com އިން ނަގާފައިވާ ލިއުމެކެވެ.)

ތިރީގައި މިވަނީ ރާއްޖޭގެ މަތީ ސާނަވީ ތަޢުލީމުގައި އިސްލާމް މަޖްބޫރު މާއްދާއަކަށް އޮންނަންޖެހޭ ސަބަބުތަކުގެ ތެރޭން މުހިއްމު ބައެއް ސަބަބުތަކެވެ. އެއީ:

1- މުސްލިމު ކުއްޖަކު ކޮންމެ ކަހަލަ ތަޢުލީމެއް އުނގެނިގަތް ކަމުގައި ވިއަސް އޭނާއާ ދީނާ ގުޅުން އޮންނަންޖެހޭނެއެވެ. އަދި އެމާއްދާއަކާ އިންސާނާއާ ނުވަތަ އިންސާނިއްޔަތާ ގުޅުވައިދޭނެ އެއްޗަކީ އިސްލާމް ދީނެވެ.

  ހަވާލުކުރީ ތަން ހަލާކުކުރާކަށް ނޫނެވެ.

ކަމެއްގެ މަޢްލޫމާތު ރައްޔިތުންނަށް ފޯރުކޮށްދޭއިރު ޙަޤީޤަތާއި އެއްގޮތަށް އެ މަޢްލޫމާތެއް ގެނެސްދިނުމަކީ ވަރަށް މުހިންމު ކަމެކެވެ. މިގޮތުން ބަލާއިރު މިހާރު ދިވެހިރާއްޖޭގައި އެންމެ އަޑުހަރުކޮށް ދެކެވޭ އެއްވާހަކައަކީ ރާއްޖޭގެ  ތަޢްލީމީ ސިޔާސަތަށް މިއަދުގެ ސަރުކާރުން ގެންނަން މަސައްކަތްކުރަމުންދާ ނޭދެވޭ ބަދަލުގެ ވާހަކައެވެ. މަތީ ޘާނަވީގައި ކިޔަވާ ދަރިވަރުންނަށް ދިވެހި، އިސްލާމް މިދެމާއްދާއަކީ އިޚްތިޔާރީ މާއްދާތަކެއްގެ ގޮތުގައި ހަމަޖައްސުމާއި، ދެޖިންސްގެ ކުދިން މަސްހުނިނުކުރެވި މިހާތަނަށްހުރި ސްކޫލްތަކުގައި ދެޖިންސް މަސްހުނިކުރުމުގެ އިތުރުން ބޮޑެތި ކުދިން ކިޔަވާ ސްކޫލްތަކަށް ތުއްތުކުދިން ބަދަލުކުރުމެވެ.

ގެނެވުނީ ބަދަލެކެވެ.

އަލްއުސްތާޛު މައުމޫނު ޢަބްދުލްޤައްޔޫމް އަކީ ދިވެހިރައްޔިތުންގެ ގިނަބަޔަކު ވަރަށްއުއްމީދާއިއެކު ވެރިކަމަށްގެންނެވި ބޭފުޅެކެވެ. ޤައުމަށް ލާބަޔާއި މަންފާ ހޯއްދަވައިދެއްވާނެ ކަމުގެ އުއްމީދުގައެވެ. ދިވެހިންގެ ތެރޭގައި ބަލިކަށިވެފައިވާ އިސްލާމީ ޢަޤީދާ ހަރުދަނާ ކުރައްވާނެ ކަމުގެ އުއްމީދުގައެވެ. އެމަނިކުފާނަކީ އިލްމީ ބޭފުޅެކެވެ. ދިވެހިންގެ މެދުގައި ވަރަށްބޮޑު ގަދަރެއްދެވިފައިވާ އަލްއަޒުހަރުން މަތީތަޢްލީމު ހާސީލް ކުރައްވާފައިވާ އިސްލާމީ ޢާލިމެކެވެ. އެމަނިކުފާނުގެ ވެރިކަމުގެ ކުރީކޮޅުގައި، ދިވެހިންގެ އުއްމީދުތަކުގައި ކުލަޖެހިދާނެކަމުގެ އުއްމީދުވެސް ކުރެވުނެވެ. އެމަނިކުފާނު ދިވެހި ރާއްޖޭގެ ވެރިކަމަށް ގެންނެވުމަށްޓަކައި މަސަކަތް ކުރެއްވި ބޭފުޅުން ހިނިތުންކުރުވިއެވެ. އަޒުހަރުން ކިޔަވާވިދާލުވެގެން ވަޑައިގެންނެވި ޝެއިޚުގެ ޒައާމަތުގައި ދިވެހިންނަށް ފަހިދުވަސްތަކެއް ފެނިގެން ދާނެކަމުގެ އުއްމީދުގައި ތިއްބާ، ދެކެމުންއައި ހުވަފެންތައްވީ ބިލާހަކަށެވެ.

ދިވެހިރާއްޖެ ދާޚިލީހަނގުރާމައަކާ ދިމާއަށް

 

ޖައްވުހޫނުވާ ވާހަކައާއި ކަނޑުގެ ލޮނުގަނޑު އުފެލޭވާހަކަ، އަދި މިކަމުގެ ސަބަބުން ދިވެހިރާއްޖެ އަޑިއަށް ހިގައިދާނެ ކަމުގެ ވާހަކައަކީ އަލުގަޑުމެންގެ ވެރިން ވަރަށްގިނައިން ދައްކަވައި އުޅުއްވާ ވާހަކައެކެވެ. އަދި މިހާރުގެ ރައީސުލްޖުމްހޫރިއްޔާ އަލްފާޟިލް މުޙައްމަދު ނަޝީދު ވެރިކަމާއި ޙަވާލުވިތާ ކުރީކޮޅު ވިދާޅުވެފައިވަނީ ދިވެހިރާއްޖޭގެ ރައްޔިތުންނަށް ދިރިއުޅެވޭވަރުގެ ބިމެއް އެހެންކޮންމެވެސް ޤައުމަކުން ހޯއްދަވަން މަސައްކަތް ކުރައްވަމުން ގެންދަވާ ކަމުގައެވެ.

އެމްޑީޕީގެ ނަޒަރުގައި ސިޔާސަތު

މިހާރަކަށްއައިސް އެންމެގިނައިން އިވޭއެއްއަޑަކީ ދީން ހަތިޔާރަކަށް ހަދާވާހަކައެވެ. "ދީން" މިބަހުގެމާނަކަމުގައި ދިވެހި ބަސްފޮތުގައި ވަނީ "1 - އިންސާނުން އުޅުމަށް މާތްﷲ އަންގަވާފައިވާ ގޮތް 2- ޢަޤީދާގެ ގޮތުން އިންސާނުން ޤަބޫލުކުރާގޮތް" މިއެވެ. ދެން އޮތީ ސިޔާސަތެވެ. ދިވެހި ބަހުގައި ސިޔާސަތު ކަމަށްބުނެފައިވަނީ "ފަރުދަކު ނުވަތަ ޖަމާޢަތަކުން ނުވަތަ ސަރުކާރަކުން އެއުސޫލުތަކަކަށް ތަބަޢަވެ ޢަމަލުކުރާ އުޞޫލުތައް" ކަމުގައެވެ.

ދިވެހިންނަށްވެސް މުޞްޠަފާއެއްގެ އުނދަގުލެވެ. 

އެކަމަކު އަތާތުރުކެއްނޫނެވެ. ލުޠުފީއެވެ.

11 ނޮވެމްބަރު 2008 ވީއަންގަރަ ދުވަސް ވެގެންދިޔައީ ބަދަލަކަށް، ހެޔޮބަދަލަކަށް އެދިގެން މަސައްކަތްކުރަމުންދިޔަ އެތަކެއްދިވެހިންނަށް އައި ޢީދަކަށެވެ. ތިރީސްއަހަރުވީ ދިގުވެރިކަމެއްގެ ނިމުން ދިވެހިންފާހަގަކުރީ ފޮނި އުއްމީދުތަކަކާއި އެކުގައެވެ. ދިވެހިރާއްޖޭގެ ތިންވަނަ ރައީސް އަލްއަޚް މުޙައްމަދު ނަޝީދު, ދިވެހިންބަލައިގަތީ އެދީނަކަށް ދިވެހިން ތަބާވެގެންތިބި އިސްލާމްދީނަށާއި ދިވެހިޤައުމަށް އިޚްލާޞްތެރި ވެވަޑައިގެން، ދިވެހިންނާއިގެން އަމާންބަދަރަކަށް ވަޑައިގަންނަވާނެ ރަނގަޅު މާލިމީއެއްގެ ގޮތުގައެވެ. މިއުއްމީދުގައި ރައީސް ނަޝީދު ދިވެހިރާއްޖޭގެ ވެރިކަމަށް ގެންނަން އެންމެބުރަކޮށް މަސައްކަތް ކުރި އެއްބަޔަކީ، ރައީސް މައުމޫންގެ ދީނީ ސިޔާސަތާއިމެދު ހިތްހަމަނުޖެހިފައިތިބި، އިސްލާމްދީނަށް ލޯބިކުރާ ދިވެހިންނާއި، ދިވެހިރާއްޖޭގައިތިބި އިސްލާމްދީނުގެ ޢިލްމުވެރިންނެވެ.

ރަށު ކައުންސިލާއި އަތޮޅު ކައުންސިލް، އެއްފައިސާފޮތީގެ ދެފުށް 

ދިވެހިރާއްޖޭގެ އިދާރީދާއިރާތައް ލާމަރުކަޒީ އުސޫލުން ހިންގުމުގެ ޤާނޫނުގެ ނަމުގައި    ( ޤާނޫނު ނަމްބަރ : 7/2010 ) ޤާނޫނެއްވަނީ، ދިވެހިރާއްޖޭގެ ރައްޔިތުންގެ މަޖިލީހުގެ 2010 ވަނައަހަރުގެ ފުރަތަމަދައުރުގެ 26 ވަނަ ޖަލްސާއިން ފާސްކޮށްފައެވެ. އަދި އެޤާނޫނު 17 މެއި 2010 ވީ ހޯމަދުވަހު ރައީސުލްޖުމްހޫރިއްޔާ ވަނީ ތަޞްދީޤު ކުރައްވާފައެވެ.

ދަރިފުޅުގެ މުސްތަޤްބަލާއި މެދު ވިސްނާ ވަޑައިގަންނަވާށެވެ

(އަބޫ އާލާ)

މިއަންނަ 2011 ވަނަ އަހަރު، މާލޭގައި ހިންގާ ސަރުކާރުގެ ޘާނަވީ މަދްރަސާތަކުގައި ގުރޭޑު އެކެއް އުފައްދާ ވާހަކަ ވެގެންދިޔައީ، ގިނަ ބަޔަކަށް ކުއްލި ސިހުމެއް ގެނެސްދިން ޚަބަރަކަށެވެ. އެއީ އެއް މަދްރަސާއެއްގެ ހަތަރު ފާރު އެތެރޭގައި ގުރޭޑު އެކަކުން ދިހަޔަކަށް ކިޔަވައިދިނުމަކީ މީގެ ކުރިން ހިނގާފަ ނުވާ ކަމަކަށް ވާތީއެއް ނޫނެވެ. އިޖްތިމާޢީގޮތުންނާއި އަޚްލާޤީ ގޮތުން ވެވޭނެ ކަމަކަށް ނުވާތީއެއްވެސް ނުމެ ނޫންމެއެވެ

އިސްލާމްދީނުގައި އިންސާނީ ޙައްޤުތައް

 

 

އިސްލާމީ ޝަރީޢަތް ބިނާވެގެންވަނީ ވަރަށް މަތިވެރި ޙިކްމަތްތެރި ކަންތައްތަކެއްގެ މައްޗަށެވެ. ސަބަބަކީ އެޝަރީޢަތް ބާވާލެއްވި ފަރާތަކީ ޙަކީމްވަންތަ އިލާހުކަމަށްވާތީވެއެވެ. އިންސާނުންނަށް ދުނިޔެއާއި އާޚިރަތުގައި ފައިދާއެއް ލިބެނިވި ކޮންމެ ކަމެއް ކުރުމަށް އިސްލާމްދީން ގޮވާލައްވާފައިވެއެވެ. އަދި އިންސާނުންނަށް ދުނިޔެއާއި އާޚިރަތުގައި ގެއްލުން ދެނިވި ކޮންމެ ކަމަކުނ ދުރުހެލިވެ ރައްކާތެރިވުމަށްވެސް ގޮވާލައްވައެވެ. އެހެންކަމުން ޟަރޫރީ ފަސް ކަމަކަށް ރައްކާތެރިވުމަށް ވަނީ ގޮވާލައްވާފައެވެ. އެއީ ދީން ރައްކާތެރިކުރުމާއި، ނަފްސު ރައްކާތެރިކުރުމާއި، ބުއްދި ރައްކާތެރިކުރުމާއި، ނަސްލު ރައްކާތެރިކުރުމާއި، މުދާ ރައްކާތެރިކުރުމެވެ. މި ފަސްކަންތަކަށް ރައްކާތެރިވެގެން މެނުވީ އިންސާނާގެ ޙަޔާތް ބާއްޖެވެރި ނުވާނެއެވެ. މިއީ އިސްލާމްދީނުގައި އިންސާނުންނަށް ދެއްވާފައިވާ ޙައްގުތަކެކެވެ.

ސުރުޚީއެއްނެތި
  

 ދިވެހިރާއްޖެއަށް ޑިމޮކްރަސީ ތަޢާރަފް ވިފަހުން، މަަދަނީ ޖަމްޢިއްޔާތަކުގެ މުހިންމުކަމުގެވާހަކަ ވަރަށްގިނައިން ދެކެވެއެވެ. ބައެއްބޭފުޅުން ވިދާޅުވަނީ ޑިމޮކްރަސީއެއް ހަރުދަނާވުމުގައި މަދަނީ ޖަމްޢިއްޔާތަކަކީ ވަރަށް މުހިންމުދައުރެއް އަދާކުރާ ބައެއްކަމުގައެވެ. އަނެއްބައި ބޭފުޅުން ވިދާޅުވަނީ މަދަނީ ޖަމްޢިއްޔާތަކަކީ ޤައުމެއްގެ ތަރައްޤީގައި ވަރަށްމުހިންމު ދައުރެއް އަދާކުރާ ބައެއްކަމުގައެވެ. ހަމަމިއާއިއެކު ޖުތަމަޢްގައި ހިނގާ ނޭދެވޭ އެކިއެކި ކަންތައްތައް ހައްލުކުރުމުގައި އެންމެ މުހިންމުދައުރެއް އަދާކުރެވޭނެ އެއްބަޔަކީ ޤައުމުގައި ޙަރަކާތްތެރިވާ މަދަނީ ޖަމްޢިއްޔާތަކެވެ. ކޮންމެއަކަސް ހުރިހާމީހުންވެސް އެއްބަސްވާ އެއްކަމެއް އެބައޮތެވެ. އެއީ މަދަނީ ޖަމްއިއްޔާތަކަކީ ޤައުމަށް ވަރަށް ބޭނުންތެރި ބައެއްކަމެވެ.

އަންހެނުންގެ ޙައްޤުތައް

އަންހެނުންގެ ދުވަހެއް ފާހަގަ ކުރުމުން ދޭހަވަނީ އަންހެނުންނަކީ މުޖުތަމަޢުގައި ދިރިއުޅޭ ޚާއްޞައެހީއަށް ބޭނުންވާ މީހުންފަދަ ބައެއްކަމެވެ. އެހެންނަމަވެސް އަޅުގަޑަށް ޤަބޫލުކުރެވޭ ގޮތުގައި އެކަނބަލުންނަކީ އެފަދަ ބައެއްނޫނެވެ. އެއަށްވުރެން މާގަދަރުވެރި ބައެކެވެ. މުޖުތަމަޢުގެ އެއްބައެވެ. ފިރިހެނުންނެކޭވެސް އެއްފަދައިންނެވެ. އަމުދުން ދިވެހިރާއްޖެފަދަ ޖިންސީތަފާތުކުރުންނެތް މުޖުތަމައެއްގައި މިފަދަ ދުވަހެއްފާހަގަ ކޮށްގެން އެކަނބަލުންގެ ކަރާމާތަށް ހުތުރުއަރުވާކަށް ނުވާނެއެވެ. ދިވެހިރާއްޖޭގައިވަނީ އެކަނބަލުންނަށް ހުރިހާ ޙައްޤެއްލިބިދީފައެވެ.

ކުންޔާ

މުސްލިމުންގެ ކޮންމެ ކަމެއްގައި ވެސް، ޝަރީޢަތުގައި ކަން އޮތްގޮތް ދެނެގަތުމަކީ މުހިންމު ކަމެކެވެ. އަދި އެގޮތަކަށް ޢަމަލު ކުރުމަކީ ވެސް އެހާމެ މުހިންމު ކަމެކެވެ. މިގޮތުން މިފަހަރު މި ބަލައިލަނީ "ކުންޔާ" އާއި ބެހޭ ގޮތުންނެވެ. އެހެންކަމުން ކުންޔާ އާއި ގުޅުން ހުރި ބައެއް ޙުކުމްތައް ބަޔާން ކުރެވޭތޯ ބަލާނަމެވެ. ﷲ ތަޢާލާ ވާގިދެއްވާށިއެވެ. އާމީން.
-    ކުންޔާ އަކީ ނަމުގެ ކުރިޔަށް "އަބޫ" ނުވަތަ "އުންމު" ހިމެނިގެންވާ ނަންތަކެވެ.
-    ކުންޔާ އަކީ މީހަކަށް މާތްކޮށް ހިތުމުގެ ގޮތުން ބޭނުން ކުރެވޭ އެއްޗެކެވެ. ލަގަބާއި ތަފާތުކޮށްނެވެ.

މަޖިލީހުގައި އިސްލާމްދީނުގެ ޢިލްމުވެރިން ތިބެންޖެހެއެވެ.

ކަމެއް އެންމެރަގަޅަށް ކުރެވޭނީ އެކަމެއްގެ ފަންނުވެރިންނަށެވެ. އެކަމެއްގެ ޢިލްމާއި ހުނަރު ހުންނަމީހުންނަށެވެ. މަތިންދާބޯޓު ދުއްވުމުގެ ޢިލްމުނެތް، ދަނޑުވެރިއަކަށް މަތިންދާބޯޓު ދުއްވާކަށް ނޭގޭނެއެވެ. އަދި މަތިންދާބޯޓު ދުއްވާމީހަކަށް މަސްއައިނަކަށްއަރާ ދޮށިއަޅާކަށް ނޭގޭނެއެވެ. ކޮންމެ ކަމަކީވެސް ތަފާތު ފަންނެކެވެ. ތިމާއަށްނޭގޭ ކަމެއްކުރަން އުޅެންހަދައިގެން ކިތަންމެބޮޑު ގޯހެއްވެސް ހެދިދާނެއެވެ.

އެމްޑީޕީގެ ވައުދުތައް _ ކަދުރު ޢަލީގެ ނަދުރަށް !

" މީހަކު ކަދުރު އިހަލެއް ކަނޑާލަން ކަދުރު ރުކަކަށް އަރައިފިއެވެ. ވަރަށް ފަސޭހައިން އެރުކަށްއެރިއްޖެއެވެ. އިހާ ކަނޑާލުމަށްފަހު، ފައިބަންވެގެން ތިރި ބަލައިލިއިރު ކަމަކުދާކަށްނެތެވެ. މިއޮވެވުނީ މާމަތީގައެވެ. ބިންގަނޑު މިއޮތީ މާތިރީގައެވެ. ގަތްބިރެއް ބުނާންވެސް ނޭގުނެވެ. އިރުކޮޅަކުން ތުރުތުރުއަޅާން ފަށައިފިއެވެ. އޮބިއޮންނަވަރެއްވެސް ނޫނެވެ.

ހިއުމަންރައިޓްސް

އިންސާނީ ޙައްޤުތައް އެންމެ ފުރިހަމަގޮތުގައި ލިބިދީފައިވަނީ އިސްލާމްދީނަގައެވެ. ނަމަވެސް އިސްލާމްދީން ޤަބޫލުނުކުރާ މީހުނަށް، އެބައިމީހުން ޤަބޫލުކުރާ ބާޠިލްދީން ތަކަގައި އިންސާނީ ޙައްޤުތައް ހިމާޔަތް ކޮށްދީފައި ނުވާތީ، އެކަމަށްޓަކައި އެހެން ކޮންމެވެސް ވަޞީލަތެއް ހޯދަން މަޖުބޫރު ވެއެވެ. މިގޮތުން އިންސާނީ ޙައްޤުތައް ހިމާޔަތް ކުރުމުގެ ނަމުގައި ތަފާތު ޖަމްޢިއްޔާތައް މިހާރުދަނީ ހިންގަމުންނެވެ. މިފަދަ ޖަމްޢިއްޔާތަކުން ހޯދައިދޭން މަސައްކަތް ކުރާ މައިގަނޑު ޙައްޤަކީ އެމީހަކު ބޭނުންދީނަކަށް އުޅުމުގެ މިނިވަންކަން ލިބިދިނުމެވެ. އިންސާނާ ހައްދައި ގެންގުޅުއްވާ ފަރާތަށް އުރެދުމުގެ ޙައްޤެވެ

އިހަށްނުވި ރައްކަލެއް ފަހަކުން ނުވެވޭނެ

( ނޯޓް: މަތީގައި އެވަނީ ފުވައްމުލަކު ސްކޫލްގެ ބޭރު ޓީޗަރަކު ދަރިވަރުންނަށްދިން ޓެސްޓް ޕޭޕަރެކެވެ.)
އަޅުގަޑުމެން އިންސާނުން ދުނިޔެއަށް ފޮނުއްވާފައިވަނީ މާތްﷲއަށް
އަޅުކަންކުރުމަށެވެ. އަދި ދުނިޔެ ތަޢްމީރު ކޮށްގެން އެކަނލާގެއަށް އަޅުވެތިވެ އުޅޭޙާލު ބިމުގައި ދިރިއުޅުމަށެވެ. އަޅުގަޑުމެންނީ މިބިމުގައި އެކަނލާގެ ލައްވާފައިވާ ޚަލީފާއިން ތަކެކެވެ. އެކަނލާގެ އަންގަވާގޮތަކަށް މިބިމުގައި ކަންތައްތައް ރާވާ ހިންގަން ތިބި އެކަނލާގެ އަޅުން ތަކެކެވެ.

 އަންނިގެ ވުވުޒެލާ
  

ބާރުތައް ވަކިކުރެވިފައިވާ މަލްޓިޕާޓީ ޑިމޮކްރަސީ އެއް ދިވެހިރާއްޖެއަށް ގެންނަން އެންމެގަދައަށް މަސައްކަތް ކުރިބަޔަކީ އެމްޑީޕީއަށް ނިސްބަތްވާ މީހުންންނެވެ. ތިންބާރު ވަކިކުރާ ސަރަހައްދުގެ ނަމުގައި، މާލޭގެ ވަކިސަރަހައްދަކަށް ނަންދިނީވެސް އެމްޑީޕީ މީހުންނެވެ. އަދި ތިންބާރުވަކި ކުރުމަށް ގޮވާލާ އެތަކެއް އެއްވުން ބާއްވާފައި ވެއެވެ. ހަމަ އެމްޑީޕީއަށް ނިސްބަތްވާ މީހުންނެވެ.

އައިޖީއެމްއެޗް އެޕޯލޯއަށް : ބަލިމީހާ ތިރުވަނަންތަޕޫރަމަށް

ކިރިޔާވެސް އެކަށީގެންވާ ފެންވަރެއްގެ ޞިއްޙީ ފަރުވާއެއްދެވޭ ތަނަކަށް ދިވެހިރާއްޖޭގައިހުރީ ހަމައެކަނި އިންދިރާގާނދީ މެމޯރިއަލް ހޮސްޕިޓަލެވެ. އެތަނުން ފަރުވާލިބިގަތުން ވެފައިވަނީ ދަތިއުނދަގޫ ކަމަކަށެވެ. ނަމްބަރެއް ނުލިބިގެން، ދައްކަންބޭނުންވާ ޑޮކްޓަރަށް ނުދެއްކިފައި ހަފްތާ، ދެހަފްތާވެސް ވެއެވެ. ބަލިމީހާ ބަލިހާލުގައެވެ.

ރަމަޟާން މަހާއި އިސްތިގްބާލު ކުރާނީ ކިހިނެއް؟

މާތް ޞަޙާބީންނާއި އެބޭކަލުންނަށް ތަބަޢަވެވަޑައިގެންނެވި ތާބިޢީން އަދި އޭގެ ފަހުން ވަޑައިގެންނެވި ސަލަފުއްޞާލިޙުން ރަމަޟާން މަހާއިމެދު ވަރަށް ޚާއްޞަ އަހައްމިއްޔަތު ކަމެއް ބަހައްޓަވައެވެ. އަދި އެމައްސަރު އަންނާތީވެ އެކަމާއި ވަރަށް ބޮޑަށް އުފާ ކުރައްވައެވެ. ރަމަޟާންމަހާއި ބައްދަލުވުމުގެ ހެޔޮ ނަޞީބު ދެއްވުން އެދި މާތް ﷲ ގެ ޙަޟްރަތުގައި ދުޢާ ކުރައްވައެވެ. އަދި ރަމަޟާން މަސް ނިމިއްޖެނަމަ، އެމައްސަރުގައި ކުރި އަޅުކަން ގަބޫލުކޮށްދެއްވުން އެދި ދުޢާ ކުރައްވައެވެ. އެމައްސަރުގެ ދުވާލުގެ ވަގުތު ތަކުގައި ރޯދައަށް ތިއްބަވައެވެ. އަދި ރޯދަ ބާޠިލްވެދާނެ ނުވަތަ އެރޯދައަށް އުނިކަމެއް އަތުވެދާނެ ކޮންމެ ކަމަކުން ދުރުހެލިވެ ރައްކާތެރިވެލައްވައެވެ.

ރިޝްވަތު

އިސްލާމްދީނުގައި އެންމެ ބޮޑަށް ޙަރާމް ކުރެއްވި ތަކެތީގެ ތެރޭގައި ރިޝްވަތުހިމެނެއެވެ. ރިޝްވަތަކީ ފައިސާދިނުމަކާނުލާ ކޮށްދޭންޖެހޭ ކަމެއްގައި ތިމާގެ އަމިއްލަ މަޞްލަޙަތެއް ފުރިހަމަ ކުރުމުގެ ބޭނުމުގައި މަސްއޫލުވެރިންނަށް ދެވޭ އެއްޗަކަށް ކިޔޭނަމެކެވެ. ރިޝްވަތުދެވެނީ ޙައްގު ގޮތް ބާޠިލްކޮށް، ނުވަތަ ބާޠިލް އެއްޗެއް ޙައްގު އެއްޗެއްކަމުގައި ހެދުމަށް، ނުވަތަ މީހަކަށް އަނިޔާވެރިވުމަށް ކަމަށްވަނީނަމަ ޙަރާމްކަން އިތުރަށް ބޮޑުވެގެންދެއެވެ.

 އެމް.އެން.ބީ.ސީ ؟

މިނިވަން މީށިއާއަކީ ބާރުތައް ވަކިކުރެވިފައިވާ ޑިމޮކްރަސީއެއްގެ ހަތަރުވަނަ ބާރުކަމުގައި ބުނާތީ އަޑުއަހަމެވެ. މައުމޫނުގެ ދައުރުގައި ދިވެރާއްޖޭގެ މީޑިއާ ސަރުކާރުގެ މުށުތެރޭގައި އޮންނާތީ އެކަމާއި ދެކޮޅަށް އެންމެބާރަށް އަޑުއުފުލި ބަޔަކީ ދިވެހިރައްޔިތުންގެ ޑިމޮކްރެޓިކް ޕާޓީ ( އެމް.ޑީ.ޕީ ) އެވެ. ޚާއްޞަކޮށް އެޕާޓީގެ އޭރުގެ ޗެއަރމަން މުޙައްމަދު ނަޝީދު އެވެ. އޭރު އަބަދުވެސް އަޑު އިވެނީ އިދިކޮޅު ފަރާތްތަކަށް ދައުލަތުގެ މީޑިއާއިން ފުރުޞަތު ނުލިބޭތީ، އެކަމާއި ކުރެވޭ ޝަކުވާގެ އަޑެވެ.

މާނަކުރުން

" ނިންދަވާށޭ ތިލޯބީގެ ދާނުގައި، ޖިސްމުރޫހީ އުފާވާ ހިސާބުގައި. " މިއީ މަޝްހޫރު ލަވަކިއުންތެރިޔާ ނައިފަރު ދޮހޮއްކޮ ކިޔާފައިވާ ލަވައެއް، ނުވަތަ ޅެމެއްގެ ތަންކޮޅެކެވެ. ޅެމުގެ މާނައޮންނާނީ ޝާޢިރުގެ ބަނޑުގައި ކަމަށް ދިވެހިން ބުނެއުޅެއެވެ. ނަމަވެސް ދިވެހިބަހުން އޮންނައެއްޗެއްގައި ބުނާއެއްޗެއް ދިވެހިންނަށް އެނގޭނެއެވެ. ފަހަރެއްގައި ޅެންވެރިޔާ ބޭނުންކޮށްފައިވާ މާނަނޫން މާނައެއް ދޭހަވެދާނެއެވެ. މިސާލަކަށް ޖިސްމުރޫހީ އުފާވާ ހިސާބުކަމަށް ޅެންވެރިޔާ ހިތުގައި އޮތީ ކިހާހިސާބެއްކަން ނޭގިދާނެއެވެ.

ދިވެހިރާއްޖޭގެ 45 ވަނަ މިނިވަން ދުވަސް

" 1 _ ދިވެހިރާއްޖޭގެ ޤާނޫނުތަކާއި އާދަކާދައިގެ މަތީން އިސްވެ ވަޑައިގަތް ރަސްކަލަކު ދިވެހިރާއްޖޭގެ ރަދުންކަމުގައި އިނގިރޭސި ދައުލަތުގެ ފަރާތުން ޤަބޫލުކުރާނެއެވެ.
2 _ ދިވެހިރާއްޖެ ދެމިގެންއަންނާނީ، އިނގިރޭސި ރާޖާގެ ހިމާޔަތްތެރިކަމުގެ ދަށުގައެވެ. ފަހެ ދުޝްމިނުންގެ ހަމަލައިން، ދިވެހިރާއްޖޭގެ ރަށްތައް ރައްކައުތެރި ކުރުމަށްޓަކައި އެޅުމަށް ބޭނުން ހުރިހާ ފިޔަވަޅުތަކެއް އިނގިރޭސި ދައުލަތުގެ ބާރުފޯރާ، އެންމެ މަތިވެރި ދަރަޖައަކަށް، އެދައުލަތުން ހުރިހާ ވަގުތެއްގައިމެ އަޅަންވާނެއެވެ

 އިތުރު އަނބިންނާއި އިނުމުގެ ޙިކުމަތް

އޭ އުޚްތާއެވެ. ތިބާގެ އަމިއްލަ ނަފްސަށާއި ފިރިމީހާ އަށް އަނިޔާވެރި ނުވާށެވެ.
ފިރިހެނަކަށް ހަތަރު އަނބިން އެއްފަހަރާ ގެންގުޅުމަކީ އިސްލާމްދީނުގައި ހުއްދަ ދެއްވާފައިވާ ކަމެކެވެ. މިކަމަށް އިންކާރު ކުރެވޭނެ އެއްވެސް ޖާގައެއް ނެތެވެ. ކީރިތި ގުރްއާނުގައި މާތް ﷲ ވަޙީ ކުރައްވާފައިވާ ބަސްފުޅުގެ މާނާގައިވެއެވެ. " ޔަތީމުންނާއި މެދު ޢަދުލުވެރި ނުވެވޭނެކަމަށް ތިޔަބައިމީހުންނަށް ބިރުގެންފިނަމަ އަންހެނުންގެ ތެރެއިން ތިޔަބައިމީހުން ހިތްހަމަޖެހޭ ބަޔަކާ ކާވެނިވެ އިންނާށެވެ. ދޭކެވެ. އަދި ތިނެކެވެ. އަދި ހަތަރެކެވެ. ދެންފަހެ ތިޔަބައިމީހުންނަށް ޢަދްލުވެރި ނުވެވޭނެކަމަށް ހީވެ ތިޔަބައިމީހުން ބިރުގެންފިނަމަ އެކެކެވެ. ނުވަތަ ތިޔަބައިމީހުންނަށް މިލްކުވެގެންވާ ބައެކެވެ. އެގޮތް ތިޔަބައި މީހުން ޙައްގުމަގުން އެއްކިބާ ނުވުމަށާއި، އަނިޔާވެރި ނުވުމަށް ގާތްކަން ބޮޑެވެ". (ސޫރަތުއް ނިސާގެ 3 ވަނަ އާޔަތް).

 ދަރިން ތަރުބިއްޔަތު ކުރުން

އިސްލާމްދީނުގައި ދަރިން ތަރުބިއްޔަތުކުރުން
އިސްލާމީ ތަރްބިއްޔަތުގެ މުހިންމުކަން
ޝައްކެތްނެތް ގޮތުގައި ތަރްބިއްޔަތެއް ދިނުމަކީ އުނދަގޫ ކަމެކެވެ. ވަގުތުތަކެއް ވެސް ހޭދަވާ ކަމެކެވެ. ވަރަށް މާތް މުހިންމު މަސައްކަތެކެވެ. މި މައުޟޫޢުގެ މުހިންމު ނުކްތާތައް ފާހަގަކޮށްލާނަމެވެ

އިގިރޭސި އިސްތިޢްމާރުގެ ދަށުން ދިވެހިރާއްޖެއަށް މިނިވަންކަން ލިބުނުތާ ފަންސަޔާޅީސް އަހަރު ފުރުމުގެ މުނާސަބަތުގައި، ބަތާނައިގެ އެންމެހާ ކިއުންތެރިންނަށް ތަހުނިޔާ ދަންނަވަމެވެ. މިފަދަ އިތުރު އިސްތިޢްމާރު ތަކުން އަޅުގަނޑުމެންގެ މިލޮބުވެތި ޤައުމު ރައްކާތެރި ކުރައްވާށި ! އާމީން

ބޭނުމީ ހަމަ ވެރިކަން

ދިވެހިރާއްޖޭގެ ރައީސްކަން ބޭނުންފުޅު ނޫންކަމަށް ވިދާޅުވިތާ މަދު ދުވަސް ކޮޅެއްގެ ތެރޭގައި އެމްޑީޕީގެ ރިޔާސީ ޕްރައިމަރީގައި ވާދަކުރައްވަން މިހާރުގެ ރައީސް ނަޝީދު ނިކުމެވަޑައިގެންނެވިއެވެ. އަދި އެމްޑީޕީގެ ޓިކެޓްގައި ވާދަކުރައްވައި 2008 ގެ ރިޔާސީ އިންތިޚާބުގައި %25 ވޯޓު ހޯއްދެވިއެވެ. ދެވަނަބުރުގައި ވަޠަންއެދޭގޮތަށް އިއްތިހާދުގެ ނަމުގައި، އިދިކޮޅު ހުރިހާޕާޓީއެއް އެކުވެގެން ނިކުމެ ރައީސް މައުމޫނުގެ މައްޗަށް ކުރިހޯއްދަވައި ދިވެހިރާއްޖޭގެ ރައީސުލްޖުމްހޫރިއްޔާގެ މަޤާމު ހޯއްދެވިއެވެ.

ވެރިކަން ދިފާޢު ކުރުން

އަޅުގަނޑުމެންގެ ސަރުކާރެއްގައި ސިޔާސީ ކުށްވެރިންނެއް ނުތިބޭނެ " ރައީސް ނަޝީދު ވިދާޅުވެފައިވެއެވެ. ނަމަވެސް މިހާރުވެސް ވެރިކަމުގައި ހުންނެވީ ހަމަ މުޙައްމަދު ނަޝީދު އެވެ. އެމީހެއްގެ މައްޗަށް ކުށެއްސާބިތުވެފައިނުވާ ސިޔާސީ ލީޑަރަކު ބަންދުކޮށްފައި ހުންނަތާ ދުވަސް ކޮޅެއްވެއްޖެއެވެ. ބަހަނާއަކަށް ދައްކަވަނީ އެބޭފުޅާއަށް ހިމާޔަތް ދެއްވުމެވެ. ނަމަވެސް އެބޭފުޅާ ވިދާޅުވަނީ އެފަދަ ހިމާޔަތެއް ބޭނުންފުޅުނުވާ ކަމުގައެވެ.

  ނަމާދު

ރަސޫލުﷲ -ޞައްލަﷲ ޢަލައިހި ވަސައްލަމަ ޙަދީޘް ކުރެއްވި އެވެ. "ތިމަންކަލޭގެފާނު ނަމާދު ކުރައްވާތީ ތިޔަބައިމީހުންނަށް ފެނުނު ގޮތަށް ނަމާދު ކުރާ ހުށިކަމެވެ. އެހެންކަމުން އެކަލޭގެ ފާނު ނަމާދު ކުރެއްވި ގޮތް ކުރުގޮތަކަށް ބަޔާން ކޮށްލެވޭތޯ ބަލައިލާނަމެވެ. މާތް ﷲ މިއަޅާ އަށް ތައުފީގް ދެއްވާށި. އާމީން.
ފުރަތަމަކަމަކަށް : ގިބްލަ އަށް ކުރިމަތިލުން
ފަރްޟު ނަމާދެއްނަމަވެސް އަދި ސުންނަތް ނަމާދެއް ނަމަވެސް ކުރަން ގަސްދުކޮށްފިނަމަ ފުރަތަމަ ކަމަކަށް ގިބްލައަށް ކުރިމަތިލާށެވެ. އެއީ ނަމާދު ގެ ރުކުނެކެވެ. އެޔާއި ނުލާ ނަމާދު ޞައްޙަ ނުވާނެ ކަމެކެވެ. ނަމަވެސް ހަނގުރާމާއިގެ މައިދާނުގައި ނަމާދު ކުރާމީހުން ގިބްލައަށް ކުރިމަތިލާކަށް ނުޖެހެއެވެ. އަދި ބަލިމީހުންނާއި، ކާރު، މަތިންދާބޯޓު ނުވަތަ ދޯނިފަދަ ތަކެތީގައި ދަތުރު ކުރަމުންދާމީހުން ނަމާދު ވަގުތު ގެއްލިދާނެކަމަށް ބިރުގަންފިނަމަ ގިބްލައަށް ކުރިމަތިނުލާ ނަމާދު ކުރުން ހުއްދަވެގެންވެއެވެ.

އެމްޑީޕީގެ ކޮރަޕްޝަން ސިޔާސަތު

މިހާރު ދިވެހިރާއްޖޭގައި އެންމެބާރަށް ދެކެވެނީ ކޮރަޕްޝަން ނައްތާލާ ވާހަކައެވެ. ނަމަވެސް ހިތާމަކުރަންޖެހޭ ކަމަކީ، މުޅިންވެސް އަޑުއިވެމުން މިދަނީ ރައްޔިތުންގެ މަޖިލީހުން ކޮރަޕްޝަން ނައްތާލާ ވާހަކައެވެ. ސަރުކާރުގެ އެކިއެކި ދާއިރާތަކުގައި ހުރި ކޮރަޕްޝަނުގެ ވާހަކަ ދައްކާއަޑެއް ނުއިވެއެވެ. ދިވެހިރާއްޖޭގެ މިހާރުގެ ރައީސުލްޖުމްހޫރިއްޔާ އަލްފާޟިލް މުޙައްމަދު ނަޝީދު ވިދާޅުވި ގޮތުގައި މިސަރުކާރުގައިވެސް ކޮރަޕްޝަން އެބައޮތެވެ. އެކަމާއި ފިޔަވަޅު އަޅުއްވަނެ ކަމަށްވެސް އެމަނިކުފާނު ވިދާލުވިއެވެ. ނަމަވެސް އަދި އެކަމަށް ޢަމަލީ ސިފައެއް އައިސްފައެއްނެތެވެ.

ދުނިޔޭގެ އެއްވަނަ ޑިމޮކްރަސީ

ޤައުމެއްގެ ނުވަތަ ރަށެއްގެ މީހުނަށް، ދިވެހި ބަހުގައި ރައްޔިތުންނޭ ކިޔައެވެ. އެތަނެއްގެ ރައްޔިތުންގެ ގިނަބަޔަކު ނުވަތަ ރައްޔިތުންގެ އަޣްލަބިއްޔަތުން ނިންމާ ކަމަކަށް ރައްޔިތުންގެ ނިންމުމޭ ކިޔައެވެ. މިފަދަ ނިންމުމެއް ނިންމުމަށްޓަކައި ދެބައިކުޅައެއްބަޔަށްވުރެން ގިނައަދަދެއްގެ ރައްޔިތުންގެ ތާއީދު ލިބެންޖެހެއެވެ. އެވަރެއްނެތިގެން އަޅުގަނޑުމެން މިއުޅޭ ޑިމޮކްރަސީގެ އުޞޫލަކީވެސް އެއީއެވެ. އަޣްލަބިއްޔަތަށް ބޯލެބުމެވެ.

.

ގަދަބާރުން މެޖޯރިޓީ ހޯދުން

ދިވެހި ސަރުކާރުން މިހާރު އެންމެޖޯޝާއި ފޯރީގައި ކުރަމުންގެންދާ ކަމަކީ ރައްޔިތުންގެ މަޖިލިސް ތެރެއިން ކޮރަޕްޝަން ނައްތާލަންކަމަށްބުނެ މުޒާހަރާ ކުރުމާއި ދައުލަތުގެ ތިންބާރުގެ ތެރެއިން އަދުލު އިންސާފު ގާއިމު ކުރުމުގެ ބާރާއި ޤާނޫނު ހަދާ ބާރާއި މެދު ރައްޔިތުންގެ ހިތުގައި ނަފުރަތު އުފެއްދުމެވެ. ސަރުކާރުން ހިންގާ މިޙަރަކާތަށް ބަލާއިރު މިއީ ކޮރަޕްޝަނާއި ދެކޮޅަށް ހިންގާ ޙަރަކާތެއްކަމަށް ޤަބޫލުކުރަން ވަރަށް ދައްޗެވެ. ސަބަބަކީ ސަރުކާރުގެ އެންމެއެތެރޭގައިވެސް ކޮރަޕްޝަން އެބައޮތްކަމަށް ރައްޔިތުންގެ ވަރަށްގިނަބަޔަކު ޤަބޫލުކުރެއެވެ. ނަމަވެސް ސަރުކާރުން އަބަދުވެސް ވިދާޅުވަމުން ގެންދަނީ ރައްޔިތުންގެ މަޖިލީސް ކޮރަޕްޝަނުން ސަލާމަތް ކުރަން ބޭނުންވާ ވާހަކައެވެ. ސަރުކާރުގެ މިވާހަކައިން ދޭހަވަނީ އެހެނިހެން ދާއިރާތަކުގައި ކޮރަޕްޝަން އޮތުމަކީ ސަރުކާރުން ކަންބޮޑުވާ ކަމެއްނޫން ކަމެވެ. އަދި މަސްއަލައެއްވެސް ނޫންކަމުގައެވެ.

ސަރުކާރުގެ ދެބޯގެރި ދުއްވުން

 

އެމްޑީޕީ ވެރިކަމަށް އައިފަހުން އެޕާޓީއަށް މިހާތަނަށް ބޭއްވުނު އެންމެބޮޑު މުޒާހަރާ ބޭއްވިފައިބަނީ 14 ޖުލައި 2010 ގައެވެ. މާލޭގެއިތުރުން ރާއްޖެތެރެއިން ގިނައަދަދެއްގެ މީހުން މާލެގެނެސްގެން ބޭއްވި މިމުޒާހަރާގައި ގާތްގަޑަކަށް ދެހާހާހާއި ތިންހާހާއިދެމެދުގެ އަދަދަކަށް މީހުން ބައިވެރިވިއެވެ. މުޒާހަރާގައި ބައިވެރިމީހުން ގިނަކަމަށް ދެއްކުމުގެ ގޮތުން މުޒާހަރާ އިންތިޒާމުކޮށްފައިއޮތީ ދުރުދުގައި މީހުން ތިބޭގޮތަށްކަން ފާހަގަކޮށްލެވުނެވެ. އެކިގުރޫޕަތަކަށް ބަހާލެވިފައި ތިބިއިރު ދެގުރޫޕުގެ ދެމެދުގައި ވިހިފޫޓު ވަރު އަދި ބައެއްދޭތެރޭގައި ފަންސާސް ފޫޓުވަރުވެސް ހުރިކަން ފާހަގަ ކޮށްލެވުނެވެ. މި " ބޮޑު " މުޒާހަރާ ހިގަމުން ދިޔައިރު، މުޒާހަރާގެ ބައިވެރިން، މާލެތެރޭގެ އަމަންއަމާންކަން ނަގައިލެވޭތޯ މަސައްކަތް ކުރަމުން ދިޔަކަން ފާހަގަ ކޮށްލެވުނެވެ. މިގޮތުން ސަރުކާރާއި އިދިކޮޅު ޕާޓީތަކުގެ ލީޑަރުން ދިރިއުޅުއްވާ ގެކޮޅުތަކުގެ ކައިރީގައި މުޒާހަރާ ކޮށްފައިވެއެވެ.

  ހަމަބުއްދި ފިލައިފިލާ ހުންނެވިނަމަ

 

ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގައި، ރައީސުލްޖުމްހޫރިއްޔާއަކަށް އިންތިޚާބުކުރާމީހެއްގައި ހުންނަންވީ ޝަރުޠުތައް ބަޔާންކޮށްފައިވާ މާއްދާ (109) ގެ ( ރ ) ގައި ވަނީ " ބުއްދި ހަމައަށް ހުރި މީހަކު ކަމުގައިވުން " މިހެންނެވެ. ދިވެހި ބަހުގައި އެއްޗެއް ހަމައަށް ހުރުން ކަމަށް ބުނެއުޅެނީ އެއްޗެއް ހުންނަންވާ ވަރަށް، އެއްވެސް ކަހަލަ އުނިކަމެއް ނައިސް ހުންނަހުރުމަށެވެ. ވީއިރު ހަމަބުއްދި ފިލާހުންނެވިކަމަށްވާނަމަ އެހާލަތުގައި އެބޭފުޅެއްގެ ހަމަބުއްދިން ބައެއްނަމަވެސް އުނިވާނެއެވެ. ބުއްދި ހަމަނުވާ މީހުނަށް ދިވެހިން ކިޔައިއުޅެނީ " މޮޔައިން " ނެވެ.

އެމްޑީޕީ ލިއުމުންހެދި ދޮގުތަކުން ކުޑަމިންވަރެއް

 

ރައްޔިތުންނަށް އޯގާތެރި ސަރުކާރެއް ގާއިމުކޮށްދީ، ޠާހިރު ދިރިއުޅުމެއް ހޯދައި ދޭނެ ކަމުގެ ދޮގުޥަޢުދު ތަކާއިއެކު އެމްޑީޕީ ވެރިކަމަށް އައިތާ 19 މަސްދުވަސް ވެއްޖެއެވެ. ރައްޔިތުމީހާ އަދިވެސް ދިރިއުޅެނީ ދަތިހާލުގައެވެ. ނުކުރާނެކަމަށް ޥަޢުދުވި ހުރިހާކަމެއް މިދަނީ ކުރަމުންނެވެ. އެފަދަ ކަންތައްތަކުގެ ތެރެއިން ނުކުރެވިހުރި ކަންތައްތައް ކުރުމަށްޓަކައި ސަރުކާރުގެ ވެރިންތިބީ އަރުވައި ޖަހައިގެންނެވެ. ސަރުކާރުގެ ހުރިހާވިސްނުމެއްހުރީ ޔަހޫދީންނާއި ނަޞާރާއިންގެ ރުހުން ލިބޭނެހުރިހާކަމެއް، ކުރާގޮތަށެވެ.

ރައްޔިތުންގެ މަޖިލީހުގެ އެއްބާރުލުން ސަރުކާރަށް 

ދިވެހިރާއްޖޭގެ ސިޔާސީ މާހައުލަށް އައި ހަލަބޮލިކަން ނިމުމަކަށް އަތުވެއްޖެ ކަމުގެ އަލާމާތްތައް ދަނީ ފެންނަމުންނެވެ. ވޭތުވެދިޔަ ހަފުތާއެއްހާ ދުވަހުގެ ތެރޭގައި އެންމެބާރަށް ދެކެވުނު ވާހަކައަކީ ރައްޔިތުންގެ މަޖިލީހުގެ އެއްބާރުލުން ސަރުކާރަށް ލިބެމުންނުދާ ވާހަކައާއި ރައްޔިތުންގެ މަޖިލީހުގެ މެމްބަރުން ރިޝްވަތާއި ޚިޔާނާތުގެ އޮއިވަރެއްގައި ޖެހިފައިވާ ވާހަކައެވެ. އަދި ރައްޔިތުންގެ މަޖިލީހުގެ އެއްބާރުލުން ނުލިބޭ ކަމަށް ވިދާޅުވެ، ވަޒީރުންގެ މަޖިލިސް ވަނީ އިސްތިއުފާ ދެއްވާފައެވެ. އަދި ރައްޔިތުންގެ މަޖިލީހުގެ ތެރެއިން ކޮރަޕްޝަނާއި ޚިޔާނާތް ނައްތާލާފައި ނޫނީ ހުއްޓާނުލާނެ ކަމަށްބުނެ އެއމްޑީޕީން ވަނީ ސިލްސިލާ މުޒާހަރާ ތަކެއްވެސް ފައްޓާފައެވެ.

އެމްޑީޕީއަށް މެމްބަރުން ވެއްދުމަށްޓަކައި އުފެއްދި ކޮމިޝަން

" ނާލާފުށީ ފަޤީރު ގަނެގެންއުޅުނު ގެރިއަކީ އެހެންމީހެއްގެ ގެރިއެއް ކަމަށްހަދައިގެން އެމީހާ އެގެރި ގެންގޮސްފިއެވެ. މިގެރި އެމީހާ އަތުލައިގަތީ މަގުމަތީންނެވެ. ފަޤީރު، އެގެރީގައި ހުރި ފާހަގަ ދެއްކީމާވެސް ޤަބޫލެއް ނުކުރިއެވެ.